ກອງປະຊຸມໃຫຍ່ຄັ້ງທີ II ຂອງໜ່ວຍພັກພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງຈໍາປາສັກ

ກອງ​ປະ​ຊຸມ​ໃຫຍ່​ໜ່ວຍ​ພັກ ພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ ໄດ້​ໄຂ​ຂຶ້ນ​ໃນ​ຕອນ​ເຊົ້າ​ຂອງວັນ​ທີ 18 ຕຸລາ 2019 ໃຫ້ກຽດເປັນຄະນະປະທານຂອງສະຫາຍ ກອງແກ້ວ ປັນຍາພອນ ເລຂາຄະນະພັກຮາກຖານ, ຫົວໜ້າພະແນກ ປທສ ແຂວງຈໍາປາສັກ, ທ່ານ ພອນໄຊ ເກດມາລາ ຮອງຫົວໜ້າຄະນະຈັດຕັ້ງແຂວງຈໍາປາສັກ,​ ທ່ານ ວິໄລ ແກ້ວມະນີໄລ ເລຂາໜ່ວຍພັກພະແນກ ປທສ ແຂວງ, ຮອງຫົວໜ້າພະແນກ ປທສ ແຂວງຈໍາປາສັກ, ມີ​ຜູ້​ແທນ​ສົມ​ບູນ​ໃນ​ທົ່ວ​ ໜ່ວຍ​ພັກ​ເຂົ້າ​ຮ່ວມ​ທັງ​ໝົດ 10 ສະ​ຫາຍ, ຍິງ 6 ສະ​ຫາຍ, ແຂກ​ຖືກ​ເຊີນ 12 ສະ​ຫາຍ, ຍິງ 2 ສະ​ຫາຍ, ບັນ​ດາ​ຜູ້​ເຂົ້າ​ຮ່ວກອງ​ປະ​ຊຸມ​ໄດ້​ຍົກ​ສູງ ຄວາມ​ຮັບ​ຜິດ​ຊອບ, ມີ​ລະ​ບຽບ​ວິ​ໃນ​ສຸມ​ສະ​ຕິ​ປັນ​ຍາ​ຂອງ​ຕົນ ເຮັດ​ໃຫ້​ກອງ​ປະ​ຊຸມ​ດຳ​ເນີນ​ໄປ​ດ້ວຍ ບັນ​ຍາ​ກາດ​ຟົດ​ຟື້ນ ປະ​ສົບ​ຜົນ​ສຳ​ເລັດ ຢ່າງ​ສະ​ຫງ່າ​ງາມ​ຕາມ​ຈຸດ​ປະ​ສົງ ເປົ້າ​ໝາຍ​ຂອງກອງ​ປະ​ຊຸມ​ທີ່​ກຳ​ນົດ​ໄວ້.

I./ ກ​ອງ​ປະ​ຊຸມ​ໃຫຍ່​ຄັ້ງ​ທີ II ຂອງ​ຄະ​ນະ​ໜ່ວຍ​ພັກພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ ໄດ້​ລົງ​ປະ​ຊາ​ມະ​ຕິ​ເປັນ​ເອ​ກະ​ສັນ ຮັບ​ຮອງ​ເອົາ​ບັນ​ດາ​ເນື້ອ​ໃນ​ດັ່ງ​ລຸ່ມ​ນີ້: ກອງ​ປະ​ຊຸມ​ໄດ້ພ້ອມ​ກັນຮັບ​ຟັງ​ບົດ​ລາຍ​ງານ​ການ​ເມືອງທັງ​ສອງ​ພາກ ແລະ ບົດ​ສຳຫຼວດ​ການ​ນຳ​ພາ​ລວມ​ຂອງ​ຄະ​ນະ​ໜ່ວຍ​ພັກ, ກອງ​ປະ​ຊຸມ​ໄດ້​ເປັນ​ເອ​ກະ​ພາບ​ຕີ​ລາ​ຄາ​ດ້ານ​ດີ, ດ້ານ​ອ່ອນ, ຂໍ້​ຄົງ​ຄ້າງ, ສາ​ເຫດ ແລະ ບົດ​ຮຽນ​ໃນ​ການ​ຊີ້​ນຳ-ນຳ​ພາ ແລະ ການ​ຈັດ​ຕັ້ງ​ປະ​ຕິ​ບັດ​ມະ​ຕິ​ກອງ​ປະ​ຊຸມ​ໃຫຍ່ສ້າງ​ຕັ້ງ​ຄະ​ນະ​ໜ່ວຍ​ພັກ ພະແນກໄປສະນີ, ໂທລະຄົມມະນາຄົມ ແລະ ການສື່ສານ ແຂວງ 04 ປີ​ຜ່ານ​ມາ, ພ້ອມ​ນີ້ກອງ​ປະ​ຊຸມ​ຍັງ​ໄດ້​ເປັນ​ເອ​ກະ​ພາບ ຮັບ​ຮອງ​ເອົາ​ທິດ​ທາງ​ແຜນ​ການ 05 ປີ ນັບ​ແຕ່​ປີ 2020-2024 ເຊິ່ງ​ມີ​ເນື້ອ​ໃນ​ຕົ້ນ​ຕໍ​ດັ່ງ​ນີ້:

  1. ການ​ນຳ​ພາ​ທາງ​ດ້ານ​ການ​ເມືອງ-ແນວ​ຄິດ, ການ​ຈັດ​ຕັ້ງ ແລະ ແບບ​ແຜນ​ວິ​ທີ​ເຮັດ​ວຽກ.
  2. ການ​ນຳ​ພາ​ທາງ​ດ້ານ​ເສດ​ຖະ​ກິດ, ວັດ​ທະ​ນະ​ທຳ​ສັງ​ຄົມ, ການ​ພົວ​ພັນ-ຮ່ວມ​ມື​ກັບ​ຕ່າງ​ປະ​ເທດ ແລະ ວິ​ຊາ​ສະ​ເພາະ
  3. ການ​ນຳ​ພາ​ທາງ​ດ້ານ​ວຽກ​ງານ​ການ​ປົກ​ຄອງ ແລະ ອົງ​ການ​ຈັດ​ຕັ້ງມະ​ຫາ​ຊົນ.
  4. ການ​ນຳ​ພາ​ວຽກ​ງານ​ປ້ອງ​ກັນ​ຄວາມ​ສະ​ຫງົບ​ຂອງ​ສຳ​ນັກ​ງານ.
  5. ວຽກ​ງານ​​ກໍ່​ສ້າງ​ພັກ – ພະ​ນັກ​ງານ ແລະ ວຽກ​ງານ​ຄຸ້ມ​ຄອງ​ປ້ອງ​ກັນ​ພັກ-ພະ​ນັກ​ງານ.

II./ ກອ​ງ​ປະ​ຊຸມ​ໄດ້​ຮັບ​ຟັງ​ການ​ລາຍ​ງານ  ແລະ ປະ​ກອບ​ຄຳ​ເຫັນ ຈາກ​ສະ​ມາ​ຊິກ​ພາຍ​ໃນ​ໜ່ວຍ​ເຮັດ​ໃຫ້​ກອງ​ປະ​ຊຸມໃຫຍ່​ຄັ້ງ​ນີ້ ມີ​ເນື້ອ​ໃນ​ອຸ​ດົມ​ສົມ​ບູນ​ຂຶ້ນ.

III./ ຜູ້​ແທນກອງ​ປະ​ຊຸມໄດ້​ພ້ອມ​ກັນ​ໃຊ້​ສິດ ປະ​ຊາ​ທິ​ປະ​ໄຕ​ຂອງ​ຕົນ ​ປ່ອນ​ບັດ​ຄັດເລື​ອກ ເອົາ​ຄະ​ນະ​ໜ່ວຍ​ພັກ​ຊຸດ​ໃໝ່ ພົນ​ພື້ນ​ຖານ​ຄວາມ​ຖືກ​ຕ້ອງ ສອດ​ຄ່ອງ​ກັບ​ມາດ​ຖານ​ເງື່ອນ​ໄຂທີ່​ກຳ​ນົດ​ໄວ້ ມີ​ຜູ້​ອອກ​ສະ​ໝັກ​ເລືອກ​ຕັ້ງ​ທັງ​ໝົດ: 04 ສະ​ຫາຍ ແລະ ເລືອກ​ເອົາ 03 ສະ​ຫາຍ

ກອງ​ປະ​ຊຸມ​ຄັ້ງ​ປະ​ຖົມ​ມະ​ລຶກຄົບ​ຄະ​ນະ​ໜ່ວຍ​ພັກ ພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ ຄັ້ງ​ທີ II ໄດ້ເປັນ​ເອ​ກະ​ສັນ​ເລືອກ​ເອົາ​ເລ​ຂາ, ຮອງ​ເລ​ຂາ ແລະ ປະ​ທານກວດ​ກາ​ໜ່ວຍ​ພັກ​ຄື:

  1. ສະ​ຫາຍ ວິໄລ ແກ້ວມະນີໄລ                     ເປັນ​ເລ​ຂາ​ໜ່ວຍ​ພັກສະ​ຫາຍ
  2. ນາງ ພຸດທະວັນ ລົມພະຈັນ                    ​ເປັນ​ຮອງ​ເລ​ຂາ​ໜ່ວ​ຍ​ພັກສະ​ຫາຍ
  3. ນາງ ແສງທະລາ ປ້ອງວິໄລ                     ເປັນ​ປະ​ທານກວດ​ກາ​ໜ່ວຍ​ພັກ

ກອງ​ປະ​ຊຸມ​ໃຫຍ່​ພວກ​ເຮົາ​ໄດ້​ຮັບ​ຟັງ​ການ​ໂອ້​ລົມຈາກ​ສະຫາຍ ກອງແກ້ວ ປັນຍາພອນ ເລຂາຄະນະພັກຮາກຖານ ພະແນກ ປທສ ແຂວງຈໍາປາສັກ,​ຫົວໜ້າພະແນກ ປທສ ແຂວງຈໍາປາສັກ, ເຊິ່ງ​ສະ​ຫາຍ​ໄດ້​ສະ​ແດງ​ຄວາມ​ຍ້ອງ​ຍໍ​ຊົມ​ເຊີຍ ຕໍ່​ການ​ຊີ້​ນຳ-ນຳ​ພາ​ຂອງ​ຄະ​ນະ​ພັກ​ຊຸດ​ເກົ່າ ທີ່​ໄດ້​ຊີ້​ນຳ-ນຳ​ພາ​ພະ​ນັກ​ງານ, ສະ​ມາ​ຊິກ​ພັກ​ປະ​ຕິ​ບັດ​ໜ້າ​ທີ່​ການ​ເມືອງ​ໄລ​ຍະ 4 ປີ ຜ່ານ​ມາ, ສະ​ຫາຍ​ໄດ້​ຊົມ​ເຊີຍ​ສັນ​ລະ​ເສີນ ມາ​ຍັງ​ພະ​ນັກ​ງານ, ສະ​ມາ​ຊິກ​ພັກ ປະ​ຕິ​ບັດ​ໜ້າ​ການ​ເມືອງ ທີ່​ທາ​ມາດ​ຍາດ​ມາ​ໄດ້​ຜົນ​ສຳເລັດໃນຫຼາຍ​ດ້ານ, ພ້ອມ​ກັນ​ນັ້ນ​ສະ​ຫາຍ​ຍັງ​ໄດ້​ສະ​ແດງ​ຄວາມ​ເປັນ​ຫ່ວງ ເປັນ​ໃຍ​ຕໍ່​ດ້ານ​ອ່ອນ ແລະ ຂໍ້​ຄົງ​ຄ້າງ​ເຊິ່ງ​ໄດ້​ໃຫ້​ທິດ​ຊີ້​ນຳ ແຕ່​ລະ​ດ້ານ​ໃນ​ທາງ​ທີ່​ສ້າງ​ສັນ​ເປັນ​ຕົ້ນ:

  1. ເອົາໃຈໃສ່ປັບປຸງແບບແຜນວິທີເຮັດວຽກຂອງຄະນະໜ່ວຍພັກ ໃຫ້ຖືກທິດ ແລະ ໄປໃນລວງດຽວກັນ, ຈິ່ງສາມາດນໍາພາອົງການຈັດຕັ້ງມະຫາຊົນໄດ້;
  2. ຂອດການປະສານງານຂໍໃຫ້ມີການປືກສາຫາລືກັນໃຫ້ເປັນແຜນຈັດຕັ້ງປະຕິບັດເປັນອັນລະອຽດ ຫຼີກລຽງຫາງສຽງຈົ່ມວ່າທີ່ບໍ່ສ້າງສັນ ແລະ ຮັກສາໄດ້ຄວາມສາມັກຄີ ເປັນອັນໜຶ່ງອັນດຽວກັນ;
  3. ການຄຸ້ມຄອງລັດ ກໍ່ຕ້ອງໄປຕາມລະບຽບຫຼັກການ ເສີມຂະຫຍາຍອັນດີ ແລະ ປັບປຸງຂອດທີ່ຍັງຄົງຄ້າງ ເປັນຕົ້ນ ການໂຄສະນາເຜີຍແຜ່ ບັນດາກົດໝາຍ, ນິຕິກໍາລຸ່ມກົດໝາຍ ໃຫ້ທົ່ວສັງຄົມຮັບຮູ້ ແລະ ເຂົ້້າໃຈ;
  4. ບັນຫາທີ່ໜ້າເປັນຫ່ວງ ຕໍ່ສະຫາຍສະມາຊີກພັກ,​ພະນັກງານ-ລັດຖະກອນ ຕ້ອງເປັນແບບຢ່າງນໍາໜ້າມະຫາຊົນ ແລະ ປະຕິບັດໃຫ້ຖືກຕ້ອງສອດຄ່ອງກັບລະບຽບຂອງພັກວາງອອກຢ່າງແທ້ຈິງ.

ສະ​ຫາຍ​ມີ​ຄວາມ​ເຊື່ອ​ໝັ້ນ​ຕໍ່​ຄະ​ນະ​ໜ່ວຍ​ພັກ​ຊຸດ​ໃໝ່ ທີ່​ຈະ​ສືບ​ຕໍ່​ນຳ​ພາ​ຈັດ​ຕັ້ງ​ປະ​ຕິ​ບັດ ມະ​ຕິ​ກອງ​ປະ​ຊຸມ​ໃຫຍ່ ຂອງ​ຕົນ​ໃຫ້​ມີ​ຜົນ​ສຳ​ເລັດ ຕາມ​ລະ​ດັບ​ຄາດ​ໝາຍ ທີ່​ກຳ​ນົດ​ໄວ້​ທຸກ​ປະ​ການ.

ກອງ​ປະ​ຊຸມ​ຮຽກ​ຮ້ອງ​ມາ​ຍັງ​ສະ​ມາ​ຊິກ​ພັກ-ພະ​ນັກ​ງານ ຈົ່ງ​ໄດ້​ເຊີດ​ຊູ​ສະ​ຕິ ແລະ ຄວາມ​ຮັບ​ຜິດ​ຊອບ​ການ​ເມືອງ ຂອງ​ຕົນ​ໃຫ້​ສູງ​ຂຶ້ນ​ເລື້ອຍໆ ເຮັດ​ໃຫ້​ມະ​ຕິ​ກອງ​ປະ​ຊຸມ​ໃຫຍ່ ຂອງ​ຄະ​ນະ​ໜ່ວຍ​ພັກ ພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ ຄັ້ງ​ທີ II ໄດ້​ຮັບ​ການ​ຈັດ​ຕັ້ງ​ຜັນ​ຂະ​ຫຍາຍ​ການ​ເປັນ​ແຜນ​ງານ, ໂຄງ​ການ​ອະ​ອຽດ​ສ້າງ​ໜ່ວຍ​ພັກ ໄປສະນີ, ໂທລະຄົມມະນາຄົມ ແລະ ການສື່ສານ  ມີ​ການ​ພັດ​ທະ​ນາ, ຫັນ​ປ່ຽນ​ຢ່າງ​ຕັ້ງ​ໜ້າ ແລະ ເຮັດ​ໃຫ້ພັກ​ມີ​ຄວາມ​ເຂັ້ມ​ແຂງ, ປອດ​ໃສ, ໜັກ​ແໜ້ນ.

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here