ທ່ານ ຮອງລັດຖະມົນຕີ ກະຊວງ ປທສ ເຄື່ອນໄຫວຊຸກຍູ້ວຽກງານຢູ່ແຂວງຈໍາປາສັກ

ວັນທີ 4 ພະຈິກ 2019 ນີ້ ທ່ານ ບຸນສະເຫຼີມໄຊ ເຄນນາວົງ ຮອງລັດຖະມົນຕີກະຊວງໄປສະນີ ໂທລະຄົມມະນາຄົມ ແລະ ການສື່ສານ ພ້ອມຄະນະໄດ້ເຄື່ອນໄຫວຢ້ຽມຢາມ ແລະ ເຮັດວຽກຢູ່ແຂວງຈໍາປາສັກ ໃຫ້ກຽດຕ້ອນຮັບຂອງທ່ານ ກອງແກ້ວ ປັນຍາພອນ ຫົວໜ້າພະແນກ ປທສ ແຂວງຈໍາປາສັກ, ພ້ອມພະນັກງານທົ່ວຂົງເຂດ ປທສ ເຂົ້າຮ່ວມທັງໝົດ 40 ທ່ານ, ຍິງ 14 ທ່ານ

ໃນພິທີ ທ່ານ ກອງແກ້ວ ປັນຍາພອນ ລາຍງານໃຫ້ຮູ້ໂດຍສັງເຂບກ່ຽວກັບ ການຈັດຕັ້ງປະຕິບັດແຜນພັດທະ ນາວຽກງານ ປທສ ຂອງແຂວງຈໍາປາສັກ ເຊັ່ນ: ຕີລາຄາສະພາບການດ້ານການເມືອງ-ແນວຄິດ, ການປັບປຸງ ແລະ ພັດທະນາການຈັດຕັ້ງ-ບຸກຄະລາກອນ, ດ້ານງົບປະມານ-ການລົງທຶນ, ການພັດທະນາວຽກງານໄປສະນີ, ການພັດທະນາພື້ນ ຖານໂຄງລ່າງ ໂທລະຄົມມະນາຄົມ-ໄອຊີທີ ໂດຍຊຸກຍູ້ການພັດທະນາໃຫ້ ຂະຫຍາຍຕົວຢ່າງກ້ວາງຂວາງ

ປັດຈຸບັນທົ່ວແຂວງມີລະບົບສາຍໄຍແກ້ວມີຄວາມຍາວທັງໝົດ 494 ກິໂລ ແມັດ, ຫຼັກສະຖານີຮັບ-ສົ່ງສັນຍານໂທລະຄົມຈໍານວນທັງໝົດ 325 ສະຖານີ, ຕູ້ຮັບ-ສົ່ງສັນຍານໂທລະສັບ ລະບົບ 3G 10 ຕູ້, 4G 186 ຕູ້, ພາຍໃນ 10 ເດືອນການບໍລິການໂທລະສັບຕັ້ງໂຕະແບບໃຊ້ສາຍຈໍານວນ 4.611 ເລກໝາຍ, ແບບບໍ່ໃຊ້ສາຍ 2.498 ເລກໝາຍ, ໂທລະ ສັບມືຖືແບບຕື່ມເງິນຈໍານວນ 5.288 ເລກໝາຍ, ນອກນີ້ກໍ່ມີໂທລະສັບມືຖືແບບລາຍເດືອນ, ອິນເຕີເນັດທີ່ບໍລິການໃຫ້ລູກຄ້າ, ຕິດຕາມຫົວໜ່ວຍທີ່ນໍາ ໃຊ້ຄື້ນຄວາມທີ່ວິທະຍຸສື່ສານ.

ໃນຕອນທ້າຍ ທ່ານ ບຸນສະເຫຼີມໄຊ ເຄນນາວົງ ມີຄໍາເຫັນໂອລົມຕໍ່ພະນັກງານ-ລັດຖະກອນ ກໍ່ຄືບັນດາຫົວ ໜ່ວຍທຸລະກິດທີ່ກ່ຽວຂ້ອງ ໃຫ້ເປັນເຈົ້າການຮັກສາໄດ້ຄວາມສາມັກຄີ, ສືບຕໍ່ຈັດຕັ້ງປະຕິບັດວຽກງານວິຊາສະເພາະໃຫ້ມີຄວາມເຂັ້ມແຂງ ສາມາດຕອບສະໜອງການບໍລິການສັງຄົມດ້ວຍຄວາມວ່ອງໄວ, ມີຄຸນນະພາບ, ເພີ່ມທະວີຊຸກຍູ້ການນໍາໃຊ້ລະບົບ ໄອຊີທີ ເຂົ້າໃນການບໍລິຫານວຽກງານວິຊາສະເພາະຂອງແຕ່ລະຂະແໜງການ.

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here