ພິທີ ເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນ ຂອງໜ່ວຍພັກພະແນກ ປທສ ແລະ ໜ່ວຍພັກ ບໍລິສັດ ອີທີແອລ ຈໍາກັດ

0
318

ໃນຕອນແລງຂອງວັນທີ 8 ສິງຫາ 2019 ທີ່ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງຈໍາປາສັກ ໄດ້ຈັດພິທີເລື່ອນສະມາຊິກພັກສໍາຮອງ 3 ສະຫາຍ ຂຶ້ນເປັນສະມາຊິກພັກສົມບູນ ຂອງໜ່ວຍພັກພະແນກ ປທສ ແລະ ໜ່ວຍພັກ ບໍລິສັດ ອີທີແອລ ຈໍາກັດ. ໃຫ້ກຽດເປັນປະທານຂອງສະຫາຍ ນິພອນ ວຽງປະເສີດ ຮອງເລຂາຄະນະບໍລິຫານງານພັກແຂວງ ຫົວໜ້າຄະນະຈັດຕັ້ງແຂວງຈໍາປາສັກ, ມີສະຫາຍ ກອງແກ້ວ ປັນຍາພອນ ເລຂາຄະນະພັກຮາກຖານ, ຫົວໜ້າພະແນກ ປທສ ແຂວງຈໍາປາສັກ, ມີຄະນະກໍາມະການຂັ້ນແຂວງ, ຄະນະໜ່ວຍພັກຮາກຖານ, ເລຂາໜ່ວຍພັກ ແລະ ສະມາຊິກພັກ ທີ່ຂຶ້ນກັບຄະນະພັກຮາກຖານພະແນກ ປທສ ແຂວງຈໍາປາສັກ ເຂົ້າຮ່ວມທັງໝົດ 33 ສະຫາຍ, ຍິງ 8 ສະຫາຍ.

ໃນພິທີດັ່ງກ່າວ ສະຫາຍ ສາທິດ ພັດຊາພັນ ຫົວໜ້າຂະແໜງກໍ່ສ້າງພັກ   ໄດ້ຂຶ້ນຜ່ານມະຕິຂອງຄະປະຈໍາພັກແຂວງຈໍາປາສັກ ວ່າດ້ວຍການອະນຸມັດເລື່ອນສະມາຊິກພັກສໍາຮອງຂຶ້ນເປັນສະມາຊິກພັກສົມບູນ ຂອງພັກປະຊາຊົນປະຕິວັດລາວ ທັງ 3 ສະຫາຍຄື: ສະຫາຍ  ພິລະດອນ ໂພທິສານ, ສະຫາຍ ນາງ ໄຂນາທີ ສີອໍານວຍ ແລະ ສະຫາຍ ນາງ ແຕງອ່ອນ ດວງບຸບຜາ.

ໂອກາດດັ່ງກ່າວ ສະຫາຍ ນິພອນ ວຽງປະເສີດ ຮອງເລຂາຄະນະບໍລິຫານງານພັກແຂວງ ຫົວໜ້າຄະນະຈັດຕັ້ງແຂວງຈໍາປາສັກ ໄດ້ໃຫ້ກຽດໂອ້ລົມຕໍ່ສະມາຊິກພັກໃໝ່ ກ່ອນອື່ນສະຫາຍໄດ້ສະແດງຄວາມຍ້ອງຍໍຊົມເຊີຍ ສະມາຊິກ

ພັກສໍາຮອງທັງ 3 ສະຫາຍ ທີ່ໄດ້ຝືກຝົນຫຼໍ່ຫຼອມຕົນເອງຈົນກ້າວຂຶ້ນເປນສະມາຊິກພັກສົມບູນ, ສຶບຕໍ່ຮັກສາມູນເຊື້ອຄຸນສົມບົດສິນທໍາປະຕິວັດ, ເອົາໃຈໃສ່ພັດທະນາຕົນເອງ, ມີແບບແຜນວິທີເຮັດວຽກທີ່ດີ, ມີຄວາມສາມກຄີ ເປັນອັນໜຶ່ງອັນດຽວ ແລະ ຕໍານິຕິຊົມເຊິງກັນ ແລະ ກັນເປັນປົກກະຕິ, ບັນຫາສໍາຄັນ ແມ່ນໃຫ້ປະຕິບດຕາມ 5 ໜ້າທີ່ ແລະ 6 ສິດ ຂອງສະມາຊິກພັກຢ່າງເຂັ້ມງວດ, ນອກຈາກນີ້ສະຫາຍຍັງໄດ້ເໜັ້ນໜັກໃຫ້ຄະນະພັກ, ຄະນະໜ່ວຍພັກ ໃນທົ່ວຮາກຖານພະແນກ ປທສ ແຂວງ ຕ້ອງໄດ້ເອົາໃຈໃສ່ ນໍາພາ-ຊີ້ນໍາ ວຽກງານຮອບດ້ານ ຖືເອົາບັນດາເນື້ອໃນພື້ນຖານກ່ຽວກັບການກໍ່ສ້າງພັກ ເປັນບັນຫາຕັດສິນທຸກວຽກງານ ຕາມ 5 ຫຼັກການ, 3 ທິດນໍາ, ເໜັ້ນໜັກໃຫ້ສະມາຊິກພັກທັງໃໝ່ ແລະ ເກົ່າ ຕ້ອງເປັນແບບຢ່າງແກ່ມະຫາຊົນ, ພ້ອມກັນຈັດຕັ້ງປະຕິບັດວຽກງານທີ່ຂັ້ນເທິງມອບໝາຍໃຫ້, ຕັ້ງໜ້າຜັນຂະຫຍາຍມະຕິກອງປະຊຸມໃຫຍ່ຄັ້ງທີ X ຂອງພັກປະຊາຊົນ ປະຕິວັດລາວໃຫ້ປະກົດຜົນເປັນຈິງ.

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here