ລັດຖະມົນຕີ ປທສ ຕ້ອນຮັບ ທູດໄທ

0
55

ທ່ານ ປອ. ທັນສະໄໝ ກົມມະສິດ ລັດຖະມົນຕີ ກະຊວງ ໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ໄດ້ຕ້ອນຮັບການເຂົ້າຢ້ຽມຂໍ່ານັບຂອງ ທ່ານ ກຽດຕິຄຸນ ຊາດປະເສີດ ເອກອັກຄະຣາຊະທູດ ແຫ່ງຣາຊະອານາຈັກໄທ ປະຈໍາ ສປປ ລາວ. ໃນວັນທີ 29 ມິຖຸນາ ຜ່ານມານີ້ ທີ່ຫ້ອງຮັບແຂກກຊວງ ປທສ.

ໃນໂອກາດນີ້ ທ່ານ ປອ. ທັນສະໄໝ ກົມມະສິດ ໄດ້ສະແດງຄວາມຍິນດີຕ້ອນຮັບ ພ້ອມທັງຕີລາຄາສູງຕໍ່ການເຂົ້າ ຢ້ຽມຂໍ່ານັບຂອງທ່ານ ກຽດຕິຄຸນ ຊາດປະເສີດ ເນື່ອງໃນໂອກາດມາດໍາລົງດໍາແໜ່ງເປັນເອກອັກຄະຣາຊະທູດຄົນໃໝ່ ປະຈໍາ ສປປ ລາວ. ພ້ອມນັ້ນ, ທ່ານຍັງໄດ້ກ່າວເຖິງສະພາບການຮ່ວມມືໃນໄລຍະຜ່ານມາລະຫວ່າງສອງຝ່າຍ ສປປ ລາວ ແລະ ຣາຊະອານາຈັກໄທ ໂດຍສະເພາະ ການຮ່ວມມືທາງດ້ານວຽກງານດ້ານ ໄປສະນີ, ໂທລະຄົມມະນາຄົມ ແລະ ICT ລະຫວ່າງສອງປະເທດ ເຊັ່ນ: ປະຊຸມປຶກສາຫາລືແລກປ່ຽນບົດຮຽນໃນການຄຸ້ມຄອງ, ພັດທະນາ ແລະ ສົ່ງເສີມ ການນຳໃຊ້ ICT, ພັດທະນາການບໍລິການ ແລະ ພື້ນຖານໂຄ່ງລາງ, ວຽກງານນະວັດຕະກຳໄອຊີທີ, Startup ແລະ ອຶ່ນໆ.

ພ້ອມດຽວກັນນີ້, ທ່ານຍັງກ່າວສະເໜີຕໍ່ ທ່ານ ກຽດຕິຄຸນ ຊາດປະເສີດ ໃນການສືບຕໍ່ຮັກສາມູນເຊື້ອ ແລະ ໃຫ້ການ ຊ່ວຍເຫຼືອ ປະສານການພົວພັນຮ່ວມມືໃນຂົງເຂດ ວຽກງານໄປສະນີ, ໂທລະຄົມມະນາຄົມ ແລະ ການສື່ສານລະຫວ່າງ ສອງປະເທດໃນຕໍ່ໜ້າ ໃນການສືບຕໍ່ພັດທະນາການນໍາໃຊ້ ໄອຊີທີ ເຂົ້າໃນທຸກຂະແໜງການໄດ້ຢ່າງມີປະສິດທິພາບ ແລະ ວ່ອງໄວ ອັນເຮັດໃຫ້ເສດຖະກິດຂອງປະເທດຂະຫຍາຍໂຕສູງ ແລະ ມີຄວາມຍືນຍົງ.

ໃນຕອນທ້າຍ ທ່ານ ກຽດຕິຄຸນ ຊາດປະເສີດ ໄດ້ສະແດງຄວາມຂອບໃຈ ແລະ ນັບຖືຢ່າງສູງຕໍ່ ທ່ານ ລັດຖະມົນຕີ ກະຊວງ ປທສ ໃນການຕ້ອນຮັບການເຂົ້າຢ້ຽມ ຂໍ່ານັບໃນຄັ້ງນີ້ ຢ່າງອົບອຸ່ນ, ເປັນກັນເອງ ແລະ ອຳນວຍຄວາມ ສະດວກ ໃນໄລຍະການ ຢ້ຽມຢາມ ດັ່ງກ່າວ.

ພາບ+ຂ່າວ: ຫ້ອງການ, ພະແນກ ປະຊາສໍາພັນ.

ທີ່ມາ http://mpt.gov.la/

ຄວາມຄິດເຫັນ

ຄວາມຄິດເຫັນ

LEAVE A REPLY

Please enter your comment!
Please enter your name here