ພິທີປາຖະກະຖາ ວັນສະຖາປະນາ ສປປ ລາວ ຄົບຮອບ 45 ( 1 ທັນວາ 1975 - 1 ທັນວາ 2020) ແລະ ວັນເກີດຂອງປະທານ ໄກສອນ ພົມວິຫານ ຜູ້ນຳທີ່ແສນເຄົາລົບ ຮັກຂອງປວງຊົນລາວທັງຊາດ ຄົບຮອບ 100 ປີ (13 ທັນວາ 1920 - 13 ທັນວາ 2020)

19/12/2020

ພິທີປາຖະກະຖາ ວັນສະຖາປະນາ ສປປ ລາວ ຄົບຮອບ 45 ( 1 ທັນວາ 1975 - 1 ທັນວາ 2020) ແລະ ວັນເກີດຂອງປະທານ ໄກສອນ ພົມວິຫານ ຜູ້ນຳທີ່ແສນເຄົາລົບ ຮັກຂອງປວງຊົນລາວທັງຊາດ ຄົບຮອບ 100 ປີ (13 ທັນວາ 1920 - 13 ທັນວາ 2020)

       ໃນຕອນເຊົ້າຂອງວັນທີ 19 ທັນວາ 2020, ທີ່ສະໂມສອນຫຼັກ 4 ນະຄອນປາກເຊ  ໄດ້ຈັດພິທີປາຖະກະຖາຫວນຄືນມູນເຊື້ອ 2 ວັນປະຫັວດສາດລະນຶກວັນຊາດທີ 2 ທັນວາ ຄົບຮອບ 45 ປີ (2/12/1975-2/12/ 2020) ແລະ ວັນເກີດປະທານໄກສອນ ພົມວິຫານ ຄົບຮອບ 100 ປີ (13/12/1920 - 13/ 12/2020). ໃຫ້ກຽດປາຖະກະຖາເລົ່າມູນເຊື້ອ ໂດຍທ່ານ ສີປະເສີດ ແສນສະຫວັດ ອະດີດຮອງຫົວໜ້າຄະນະໂຄສະນາອົບຮົມສູນກາງພັກ, ໂດຍການເຂົ້າຮ່ວມຂອງສະຫາຍ ວິໄລ ແກ້ວມະນີໄລ ກຳມະການພັກແຂວງ, ເລຂາຄະນະພັກຮາກຖານ, ຫົວໜ້າພະແນກ ປທສ ພ້ອມດ້ວຍພະນັກງານທົ່ວຂົງເຂດໄປສະນີ, ໂທລະຄົມມະນາຄົມ ແລະ ການສື່ສານ (ປທສ) ແຂວງຈຳປາສັກ

        ການຈັດປາຖະກະຖາໃນຄັ້ງນີ້ ກໍ່ເພື່ອເຮັດໃຫ້ສະມາຊິກພັກ-ພະນັກງານ ໄດ້ຮັບຮູ້, ເຂົ້າໃຈຢ່າງເລິກເຊິ່ງ ກ່ຽວກັບປະຫວັດສາດການກຳເນີດ ແລະ ບາດກ້າວການເຕີບໃຫຍ່ຂະຫຍາຍຕົວ ຂອງພັກ-ຂອງຊາດລາວເຮົາ ໃນແຕ່ລະໄລຍະທີ່ຜ່ານມາ, ໂດຍສະເພາະແມ່ນການເຊື່ອມຊຶມ, ຮຳ່ຮຽນເອົາແນວຄິດທິດສະດີ ແລະ ພຶດຕິກຳ ຂອງປະທານໄກສອນ ພົມວິຫານ ຜູ້ນຳແສນເຄົາລົບຮັກຂອງປວງຊົນລາວທັງຊາດ ຊຶ່ງໄດ້ສະແດງອອກໃນພາລະກິດ ການນຳພາປະຕິວັດຊາດ ປະຊາທິປະໄຕ, ອີກທັງເພື່ອເປັນການຍົກສູງຄວາມສາມາດການນຳພາ ແລະ ລັກສະນະນຳໜ້າຂອງພັກ, ສືບຕໍ່ຮັກສາມູນເຊື້ອອັນດີງາມຂອງພັກ ໃຫ້ຍືນຍົງຕະຫຼອດໄປ.

 

ວາລະສານ
ວິໃສທັດ