ຄະນະພັກຮາກຖານພະແນກໄປສະນີ,ໂທລະຄົມມະນາຄົມ ແລະ ການສື່ສານ ແຂວງໄຂກອງປະຊຸມໃຫຍ່ ຄັ້ງທີ II.

0
344

       ໃນຕອນເຊົ້າຂອງວັນທີ 4ມິຖຸນາ 2020ນີ້, ຄະນະພັກຮາກຖານພະແນກໄປສະນີ,ໂທລະຄົມມະນາຄົມ ແລະ ການສື່ສານ ແຂວງຈຳປາສັກໄຂກອງປະຊຸມໃຫຍ່ ຄັ້ງທີ II ຢ່າງເປັນທາງການ ໂດຍໃຫ້ກຽດເຂົ້າຮ່ວມຂອງສະຫາຍ ເມກສະຫວັນ ພົມພິທັກ ຮອງເລຂາພັກແຂວງ #ປະທານສະພາປະຊາຊົນແຂວງຈຳປາສັກ, ສະຫາຍ ກອງແກ້ວ ປັນຍາພອນ ເລຂາຄະນະພັກຮາກຖານ #ຫົວໜ້າພະແນກ ໄປສະນີ,ໂທລະຄົມມະນາຄົມ ແລະ ການສື່ສານ ແຂວງ,ສະຫາຍ ສີເລືອງ ສັກຂັນ ຮອງຫົວໜ້າຄະນະຈັດຕັ້ງແຂວງ, ມີຮອງເລຂາ,ຄະນະພັກຮາກຖານ,ຄະນະພະແນກ. ມີຄະນະຮັບຜິດຊອບບຸກຄະລາກອນຂັ້ນແຂວງ,ມີຕ່າງໜ້າອົງການຈັດຕັ້ງມະຫາຊົນ,ເລຂາ,ຮອງເລຂາ ແລະຄະນະພັກພະແນກການອ້ອມຂ້າງແຂວງ ສະມາຊິກພັກສົມບູນ,ສຳຮອງ ແຕ່ລະໜ່ວຍພັກ ເຂົ້າຮ່ວມ.

      ໃນກອງປະຊຸມ ສະຫາຍ ກອງແກ້ວ ປັນຍາພອນ ເລຂາຄະນະພັກຮາກຖານ #ຫົວໜ້າພະແນກໄປສະນີ,ໂທລະຄົມມະ ນາຄົມ ແລະ ການສື່ສານແຂວງຈຳປາສັກ ໄດ້ກ່າວວ່າ: ກອງປະຊຸມຄັ້ງນີ້ແມ່ນມີຄວາມສໍາຄັນ ໄຂຂື້ນເພື່ອເປັນການສັງເກດຕີ ລາ ຄາການຊີ້ນນໍາໆພາຂອງຄະນະພັກ ປັບປຸງການຊີ້ນຳໆພາຂອງຄະນະພັກຮາກຖານໃຫ້ມີຄວາມເຂັ້ມແຂງຮອບດ້ານ ພ້ອມນີ້ສະຫາຍກໍໄດ້ຜ່ານບົດລາຍງານການເມືອງທັງ 2 ພາກໂດຍສັງເກດຕີລາຄາການນໍາພາ-ຊີ້ນໍາວຽກງານໃນ 5 ປີຜ່ານມາ ,ທິດທາງແຜນການນໍາພາ-ຊີ້ນໍາວຽກງານໃນ 5 ປີຕໍ່ໜ້າ. ຊຶ່ງຄະນະພັກຮາກຖານໄດ້ຖືເອົາວຽກງານການເມືອງແນວຄິດເປັນວຽກແຖວໜ້າຂອງພັກ, ຍົກສູງຄຸນທາດການເມືອງ, ຄຸນສົມບັດສິນທຳປະຕິວັດ ແລະ ຄວາມຮູ້-ຄວາມສາມາດໃຫ້ສະຫາຍສະມາຊິກພັກ, ພະນັກງານລັດຖະກອນລະດົມມະຫາຊົນເຂົ້າຮ່ວມການຈັດຕັ້ງປະຕິບັດແນວທາງນະໂຍບາຍຂອງພັກ, ລະບຽບກົດໝາຍຂອງລັດວາງອອກ. ຊຶ່ງໄດ້ສຸມໃສ່ວຽກງານການກໍ່ສ້າງພັກເປັນພື້ນຖານສຳຄັນ,ປະຈຸບັນໃນຮາກຖານພັກມີ4 ໜ່ວຍພັກທີ່ຂື້ນກັບ, ມີສະມາ ຊິກພັກທັງ ໝົດ 46 ສະຫາຍ, ຍິງ 16 ສະຫາຍ, 5 ປີຜ່ານມາສາມາດກໍ່ສ້າງຂະຫຍາຍມະຫາຊົນກ້າວໜ້າເຂົ້າເປັນສະມາຊິກພັກປະຊາຊົນປະຕິວັດລາວໄດ້ຈຳນວນ 16 ສະຫາຍ, ຍິງ 10 ສະຫາຍ, ຮັບເຂົ້າເປັນສະມະຊິກພັກສຳຮອງ 16 ສະຫາຍ; ຍິງ 10 ສະຫາຍ, ເລື່ອນຈາກສຳຮອງຂື້ນເປັນສະມາຊິກພັກສົມບູນ 14 ສະຫາຍ, ຍິງ 10 ສະຫາຍ; ທຽບໃສ່ການປະຕິບັດມະຕິກອງປະຊຸມໃຫຍ່ຄັ້ງທີ I ຂອງຮາກຖານພັກພະແນກ ປທສ ເພີ້ມຂື້ນຈຳນວນ 16 ສະຫາຍ, ມີສະມາຊິກພັກເຂັ້ມແຂງ 46 ສະຫາຍ, ຍິງ 16 ສະຫາຍ; ພ້ອມດຽວກັນນັ້ນ ກໍໄດ້ນໍາພາປະເມີນຜົນໃນການປະຕິບັດໜ້າທີການເມືອງ ຕິດພັນກັບດ້ານວິຊາສະເພາະໃນແຕ່ລະປີ ເຊິ່ງສະ ແດງອອກຄື: ມີ 4 ໜ່ວຍພັກເຂັ້ມແຂງ, ປອດໃສ ໃນ 4 ປີ ກວມ 100%, ນອກນັ້ນ ໄດ້ຮັບການຕີລາຄາຈັດປະເພດສະມາຊິກພັກເຂັ້ມແຂງ, ປອດໃສ, ໜັກແໜ້ນ 4 ປີຊອ້ນ ( 2015-16-17-18 ).

     ສໍາລັບດ້ານເສດຖະກິດຄະນະພັກຮາກຖານໄດ້ຊີ້ນໍາ ວິຊາສະເພາະແຕ່ລະໜ່ວຍ ແຕ່ລະບໍລິສັດ ຈັດເກັບລາຍຮັບວິຊາການມອບພັນທະເຂົ້າງົບປະມານ ເຊັ່ນ:
+ໜ່ວຍພັກພະແນກ ປທສ ນໍພາປະຕິບັດໄດ້ ທັງໝົດ 416.791.000 ກີບ, ປະຕິບັດແຜນການໄດ້ 100% ສະເລ່ຍເພີ່ມຂຶ້ນ 13%, + ບໍລິສັດລັດວິສາຫະກິດໄປສະນີລາວສາຂາແຂວງຈຳປາສັກ ນໍາພາ-ຊີ້ນຳ ໃນການເຮັດໜ້າທີ່ບໍລິການຮັບໄຊ້ສັງຄົມ ຕະຫລອດໄລຍະຜ່ານສາມາດສ້າງລາຍຮັບໄດ້ 6 ຕື້ 423 ລ້ານກີບ ແລະ ມອບພັນທະງົບປະມານຂອງແຂວງ 176 ລ້ານ 657 ກີບ ທຽບໃສແຜນ 5 ປີ ປະຕິບັດໄດ້ 97%.
+ ບໍລິສັດລັດວິສະກິດໂທລະຄົມມະນາຄົມ ( ລາວໂທລະຄົມມະນາຄົມມະຫາຊົນ, ອີທີແອວຈຳກັດ ແລະ ບໍລິສັດສະຕຣາໂທລະຄົມ ) ໄດ້ນໍາພາ-ຊີ້ນຳໃນການເຮັດໜ້າທີ່ບໍລິການຮັບໄຊ້ສັງຄົມທາງການສື່ສານ ໂທລະ ສັບມືຖື, ລະບົບ 2G, 3G, 4G ກວມເອົາ 98% ໃນທົ່ວແຂວງຈໍາປາສັກ, ໃນ 5 ປີຜ່ານມາ ບັນດາສາຂາວິສະຫະກິດໄສະນີໂທລະຄົມມະນາຄົມສາມາດສ້າງລາຍຮັບໂດຍສະເລ່ຍເພີ່ມຂື້ນຕໍ່ປີເທົ່າ 18,8%, ທຽບໃສ່ແຜນ 5 ປີ ປະຕິ ບັດໄດ້ລື່ນຄາດໝາຍ 6,4%, ມອບພັນທະງົບ ປະມານຂອງແຂວງ 234 ຕື້ 141 ກີບ.

   ໃນກອງປະຊຸມຜູ້ແທນກອງປະຊຸມໄດ້ພ້ອມກັນໃຊ້ສິດ ປະຊາທິປະໄຕຂອງຕົນປ່ອນບັດຄັດເລືອກ ເອົາ #ຄະນະພັກຮາກຖານຊຸດໃໝ່ ບົນພື້ນຖານຄວາມຖືກຕ້ອງສອດຄ່ອງກັບມາດຖານເງື່ອນໄຂທີ່ກຳນົດໄວ້ ມີຜູ້ອອກສະໝັກເລືອກຕັ້ງທັງໝົດ: 07 ສະ ຫາຍ ແລະ ເລືອກເອົາ 05 ສະຫາຍ:
#ກອງປະຊຸມຄັ້ງປະຖົມມະລຶກຄົບຄະນະພັກຮາກຖານພະແນກ ປທສ ແຂວງ ຄັ້ງທີ II ໄດ້ເປັນເອກະສັນເລືອກເອົາເລຂາ, ຮອງເລຂາ ແລະ ປະທານກວດກາຄະນະພັກຮາກຖານຄື:
1./ ສະຫາຍ ວິໄລ ແກ້ວມະນີໄລ ເປັນເລຂາຄະນະພັກຮາກຖານ
2./ ສະຫາຍ ນາງ ຄໍາຫຼ້າ ອຸດົມສັກ ເປັນຮອງເລຂາຄະນະພັກຮາກຖານ
3./ ສະຫາຍ ວົງໄຊ ແກ້ວຄໍາຄູນ ຄະນະພັກຮາກຖານ ທັງເປັນປະທານກວດກາຄະນະພັກຮາກຖານ
4./ ສະຫາຍ ນາງ ສຸດສາຄອນ ທອງຈະເລີນ ເປັນຄະນະພັກຮາກຖານ
5./ ສະຫາຍ ນາງ ແສງທະລາ ປ້ອງວິໄລ ເປັນຄະນະພັກຮາກຖານ


ໃນໂອກາດນີ້ ສະຫາຍ ເມກສະຫວັນ ພົມພິທັກ ຮອງເລຂາພັກແຂວງ ປະທານສະພາປະຊາຊົນແຂວງຈຳປາສັກ ຍັງໄດ້ເປັນກຽດມີຄໍາເຫັນໂອ້ລົມຕໍ່ກອງປະຊຸມໂດຍສະແດງຄວາມຍ້ອງຍໍຊົມເຊີຍຕໍ່ຜົນງານການນໍາພາທີ່ຄະນະພັກຮາກຖານ ພະແນກໄປ ສະນີ,ໂທລະຄົມມະນາຄົມ ແລະ ການສື່ສານ ແຂວງຈຳປາສັກຍາດມາໄດ້ ແລະ ເນັ້ນຫຼາຍບັນຫາທີ່ສໍາຄັນໃຫ້ຄະນະພັກ,ສະມາຊິກພັກໄດ້ນໍາໄປຈັດຕັ້ງຜັນຂະຫຍາຍໃຫ້ໄດ້ຮັບຜົນດີ.

 

# ຂໍ້ມູນຈາກ: ສື່ມວນຊົນແຂວງຈຳປາສັກ

ຄວາມຄິດເຫັນ

ຄວາມຄິດເຫັນ